ఫేషియల్గ్లో పౌడర్ పేరిటడ్రగ్స్ ముఠా గుట్టు రట్టు చేసిన పోలీసులు

రంగారెడ్డి జిల్లా అబ్దుల్లాపూర్మెట్ మండలం బాటసింగారం పరిసరాల్లో తెలంగాణ ఈగల్ ఫోర్స్ అధికారులు, హైదరాబాద్ నార్కోటిక్స్ బృందం, మల్కాజిగిరి పోలీసులు మరియు ఎల్బీనగర్ జోన్ క్లూస్ టీం సంయుక్తంగా జరిపిన మెరుపుదాడిలో భారీ డ్రగ్స్ తయారీ కేంద్రం బయటపడింది. ఈగల్ ఫోర్స్ పోలీసులు తెలిపిన వివరాల ప్రకారం.. సూర్యాపేట జిల్లా తిరుమలగిరికి చెందిన ఫైనాన్స్ వ్యాపారి కీసరి మత్స్యగిరి అలియాస్ నరేశ్ ఈ అంతర్జాతీయ డ్రగ్స్ ముఠాలో ప్రధాన సూత్రధారి. ఇతనికి దశాబ్దానికి పైగా నేర చరిత్ర ఉంది. 2015 నుంచి దేశవ్యాప్తంగా వివిధ ప్రాంతాల్లో డ్రగ్స్ తయారీ యూనిట్లను ఏర్పాటు చేసిన ఇతను, గతంలో పలుమార్లు జైలుకు కూడా వెళ్లి వచ్చాడు. పోలీసుల కళ్లు గప్పేందుకు ఈసారి ‘ఫేషియల్ గ్లో పౌడర్’ (Facial Glow Powder) తయారు చేస్తున్నామంటూ యాదాద్రి భువనగిరి జిల్లా మోత్కూరుకు చెందిన రావుల మహేశ్ అనే వ్యక్తిని సంప్రదించాడు. ఒక మామిడి తోటలో వాచ్‌మెన్‌గా పనిచేస్తున్న మహేష్‌ను నెలకు రూ. 10 వేల జీతం ఇస్తానని నమ్మించి, అతని షెడ్డునే డ్రగ్స్ ల్యాబ్‌గా మార్చాడు. ప్రభాకర్ అనే వ్యక్తి నుంచి రూ. 60 వేలకు ముడిపదార్థాలు, రసాయనాలు, ల్యాబ్ పరికరాలను కొనుగోలు చేసి ఆ తోటలోని షెడ్డుకు తరలించారు. అక్కడ రెండు కిలోల ముడి మెఫెడ్రోన్ నుంచి సుమారు 750 గ్రాముల స్వచ్ఛమైన మెఫెడ్రోన్ (Mephedrone) డ్రగ్‌ను సిద్ధం చేశారు.

Read Also: HYD Miyapur Incident: మియాపూర్‌లో దారుణం.. బిడ్డతో సహా బిల్డింగ్ పైనుంచి దూకిన టెక్కీ

తయారు చేసిన డ్రగ్స్‌ను విక్రయించేందుకు కీసరి మత్స్యగిరి, నిమ్మల నరేశ్ అనే వ్యక్తితో కలిసి రంగారెడ్డి జిల్లా బాటసింగారంలోని శ్రీసాయి హెచ్ఎండీఏ వేబ్రిడ్జి కార్యాలయం వద్దకు చేరుకున్నారు. పక్కా సమాచారంతో పొంచి ఉన్న రక్షణ దళాలు వారిని రెడ్ హ్యాండెడ్‌గా పట్టుకుని అరెస్ట్ చేశారు. వారి వద్ద నుంచి రూ. 50 లక్షల విలువైన 750 గ్రాముల మెఫెడ్రోన్, ఒక కారు, మూడు మొబైల్స్ స్వాధీనం చేసుకున్నారు. అనంతరం తోటలోని తయారీ కేంద్రంపై దాడి చేసి రసాయనాలను, పరికరాలను సీజ్ చేశారు. ప్రస్తుతం పరారీలో ఉన్న సంతోశ్ సింగ్, విజయ్, ప్రభాకర్ కోసం పోలీసులు గాలిస్తున్నారు.

మారుతున్న కాలంతో పాటు డ్రగ్స్ ముఠాలు కూడా తమ వ్యూహాలను పూర్తిగా మార్చేస్తున్నాయి. గతంలో వాట్సాప్, ఫేస్‌బుక్ లాంటి సోషల్ మీడియా ప్లాట్‌ఫారమ్‌ల ద్వారా లావాదేవీలు జరిపి పట్టుబడటంతో, ఇప్పుడు నిఘా సంస్థలకు దొరకకుండా ఉండేందుకు ‘సిగ్నల్’ (Signal), ‘సెషన్’ (Session) వంటి హై-సెక్యూరిటీ ఎండ్-టు-ఎండ్ ఎన్‌క్రిప్టెడ్ యాప్‌లను వేదికగా చేసుకుంటున్నారు. గతంలో నైజీరియన్ స్మగ్లర్లు, లోకల్ ఏజెంట్లు నేరుగా లేదా ‘డెడ్ డ్రాప్’ (నిర్దేశిత రహస్య ప్రదేశాల్లో డ్రగ్స్ దాచి వెళ్లడం) పద్ధతిలో విక్రయించేవారు. కానీ ఇప్పుడు సాంకేతికతను వాడుకుంటూ 90 శాతం సింథటిక్ డ్రగ్స్, గంజాయి వ్యాపారాన్ని ఈ యాప్‌ల ద్వారానే హైదరాబాద్ నగరానికి చేరవేస్తున్నారు.

Jnaneswari Missing Case Updates: అయ్యో!.. ఆధారంగా ఉన్న ఆ కుక్క కూడా చనిపోయే

గమనిక: ఈ వెబ్ సైట్ లో ప్రచురించబడిన వార్తలు పాఠకుల సమాచార ప్రయోజనాల కోసం ఉద్దేశించి మాత్రమే ఇస్తున్నాం. మావంతుగా యధార్థమైన సమాచారాన్ని ఇచ్చేందుకు కృషి చేస్తాము.

Dundigal Air Force Academy : దుండిగల్ ఎయిర్ ఫోర్స్ అకాడమీ గ్రాడ్యుయేషన్ పెరేడ్ లో పాల్గొన్నరాజ్నాథ్

VC Sajjanar: బైక్‌పై వెళ్తూ ల్యాప్‌టాప్‌తో వర్క్.. వీడియో షేర్ చేస్తూ వీసీ సజ్జనార్ సీరియస్ వార్నింగ్

HYD Miyapur Incident: మియాపూర్‌లో దారుణం.. బిడ్డతో సహా బిల్డింగ్ పైనుంచి దూకిన టెక్కీ

Shabbir Ali: షబ్బీర్ అలీ వ్యాఖ్యలపై హైకమాండ్ ఆగ్రహం.. నోటీసులు జారీ

HYD RTC bus wrong route: రాంగ్ రూట్ లో వచ్చిన ఆర్టీసీ బస్సు డ్రైవర్‌కు బుద్ధి చెప్పిన బైకర్

Medak Ayyappa Temple: మెదక్ అయ్యప్ప ఆలయ రజతోత్సవ వేడుకలు ప్రారంభం!